Mikołaj Kopernik do Jana Dantyszka, biskupa warmińskiego - transkrypcja

Frombork, 3 marca 1539 r.

Reuerendissimo in Christo Patri et Domino, Domino Joanni Dei gratia Episcopo Varmiensi, Domino meo Clementissimo

Reuerendissime in Christo Pater et Domine, Domine Clementissime. Heri bonae memoriae Felix custos et canonicus ex humanis factus traditus est sepulturae. Canonicatum et praebendam vacantem pro domino Raphaele Canopatzky procuratorio nomine acceptaui et de ea prouideri ipsamque illi conferri feci secundum formam litterarum apostolicarum vigore nominationis Serenissimae Reginae Poloniae etc. Quod superest, Reuerendissima Dominatio Vestra dignetur consensum suum praebere eumque capitulo suo significare, vt detur illi vel mihi procuratori posessio vacantis praebendae. In quo Reuerendissima Dominatio Vestra ad rem litterarum apostolicarum faciet, domino vero palatino Pomeraniae eiusque filio et mihi gratiam singularem, quam erga Reuerendissimam Dominationem Vestram studebimus promereri. Ex Frauemburg III Martij anno MDXXXIX.

Eiusdem Reuerendissimae Dominationis Vestrae seruitor

Nicolaus Copernicus